Anasema Allaah سبحانه وتعالى 

}}الَّذِينَ آتَيْنَاهُمُ الْكِتَابَ يَتْلُونَهُ حَقَّ تِلاَوَتِهِ أُوْلَئِكَ يُؤْمِنُونَ بِهِ{{

{{Wale tuliowapa Kitabu, wakakisoma kama ipasavyo kusomwa, hao ndio kweli wanakiamini}} Al-Baqarah:121

 Na Anasema Allaah سبحانه وتعالى  

}}إِنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَّن تَبُورَ{{  

}} لِيُوَفِّيَهُمْ أُجُورَهُمْ وَيَزِيدَهُم مِّن فَضْلِهِ إِنَّهُ غَفُورٌ شَكُورٌ{{

{{Hakika wale wanaosoma Kitabu cha Mwenyezi Mungu, na wakasimamisha Swalah, na wakatoa kwa siri na kwa dhaahiri katika Tulivyowaruzuku, hao hutaraji biashara isiyododa (isiyoanguka)}}

{{Ili Yeye Awalipe ujira wao kwa ukamilifu, na Awazidishie kutokana na fadhila zake. Hakika Yeye ni Mwenye kusamehe Mwenye shukrani}} Faatwir: 29-30

1)        Mtu bora kabisa ni mwenye kusoma na kuifundisha  

 

 عن عثمانَ بن عفانَ رضي الله عنه أنَّ النبيَّ صلى الله عليه وسلّم قالَ )) خَيرُكُم مَنْ تعَلَّمَ القُرآنَ وعَلَّمَه))

  صحيح البخاريِّ

Imetoka kwa 'Uthmaan bin 'Affaan رضي الله عنه kwamba Mtume صلى الله عليه وآله وسلم amesema ((Mbora wenu ni yule mwenye kujifunza Qur'aan kisha akaifundisha)) Al-Bukhariy 

2)    Thawabu mara mbili kwa mwenye kuisoma kwa mashaka

عن عائشة رضي الله عنها أنَّ النبي صلى الله عليه وسلّم قال))   الماهرُ بالقرآن مع السَّفرةِ الكرامِ البررة،

 والذي يقرأ القرآنَ ويتتعتعُ فيه وهو عليه شاقٌّ له أجرانِ)) البخاري ومسلم

       Imetoka kwa 'Aisha رضي الله عنها kwamba Mtume صلى الله عليه وآله وسلم   amesema, ((Yule aliyekuwa hodari wa kusoma Qur'aan atakuwa pamoja na Malaika   Waandishi wa Allaah watukufu wacha Mungu, na yule ambaye anaisoma Qur'aan kwa mashaka na huku anajitahidi kwa kudodosa  atapata ujira mara mbili)) 

        Al-Bukhariy na Muslim   

3)     Watu wa Qur'aan ni watu bora kwa Allaah سبحانه وتعالى

عن أنس رضي الله عنه قال : قال رسول الله صلى الله عليه وسلم (( إن لله تعالى أهلين من الناس .

 قالوا : يا رسول الله من هم ؟ قال : هم أهل القران أهل الله وخاصته ((  صحيح الجامع

  Imetoka kwa Anas رضي الله عنه kwamba Mtume صلى الله عليه وآله وسلم    amesema ((Allaah سبحانه وتعالى Anao watu wa aina mbili, wakamuuliza, ewe Mjumbe  wa Allaah, nani hao? Akasema, hao ni watu walioiandama Qur'aan na ni  watu waliokuwa bora kabisa wa Allaah))   Sahiyh Al-Jaami'   

         4)   Tofauti ya anayeisoma na asiyeisoma Qur'aan

عن أبي موسى الأشْعَريِّ رضي الله عنه أنَّ النَّبي صلى الله عليه وسلّم قالَ ((مثلُ المؤمنِ الَّذِي

يقرأ القرآنَ مَثَلُ الأتْرُجَّةِ ريحُها طيبٌ وطعمُها طيّبٌ، ومثَلُ المؤمِن  الَّذِي لاَ يقرَأ القرآنَ كمثلِ التمرة

لا ريحَ لها وطعمُها حلوٌ )) البخاري ومسلم 

Kutoka kwa Abu Musa Al-Ash'ariy رضي الله عنه kwamba Mtume صلى الله عليه وآله وسلم amesema ((Mfano wa Muumini ambaye anayesoma Qur'aan ni kama tunda la Utrujjah harufu yake nzuri na ladha yake nzuri.  Na mfano wa Muumini asiyesoma Qur'aan mfano wake kama tende zisizokuwa na harufu lakini zina ladha tamu)) Al-Bukhariy na Muslim

5)   Thawabu kwa kila herufi moja

عن عبدالله بن مسعودٍ رضي الله عنه أن النبيَّ صلى الله عليه وسلّم قال: (( من قَرأ حرفاً من كتاب الله فَلَهُ

به حَسَنَةٌ، والحسنَةُ بعشْر أمْثالها، لا أقُول الم حرفٌ ولكن ألفٌ حرفٌ ولاَمٌ حرفٌ وميمٌ حرفٌ))  رواه الترمذي.

Imetoka kwa 'Abdullahi Bin Mas'uud رضي الله عنه  kwamba Mtume صلى الله عليه وآله وسلم amesema, ((Atakayesoma herufi moja katika kitabu cha Allaah atapata hasanah (jema) moja, na kila hasanah moja ni sawa na thawabu kumi, wala sisemi 'Alif-Laam-Miym' ni herufi moja, bali Alif ni herufi moja na Laam ni herufi moja na Miym ni herufi moja))  At-Tirimidhiy

 

6)     Kiombezi Siku ya Qiyaamah

عن أبي أمَامةَ رضي الله عنه أنَّ النبيَّ صلى الله عليه وسلّم قال ))    اقْرَؤوا القُرآنَ فإنه يأتي يومَ القيامةِ شفيعاً لأصحابهِ (( مسلم

Imetoka kwa Abu Umaamah رضي الله عنه  kwamba Mtumeصلى الله عليه وآله وسلم   amesema ((Someni Qur'aan kwani itakuja siku ya Qiyaamah ikimuombea   mwenye kuisoma)) Muslim

7)      Qur'aan humnyanyua mtu na humdhalilisha mwingine

قال عمر رضي الله عنه : أما إن نبيكم صلى الله عليه وسلم قد قال : (( إن الله يرفع بهذا الكتاب أقواماً ويضع

 به آخرين ))  صحيح مسلم  

Imetoka kwa 'Umar رضي الله عنه ambaye amesema, Mtume wenu amesema   ((Allaah Atawanyanyua baadhi ya watu kwa kitabu hiki (Qur'aan) na Atawadhalilisha wengine kwa kitabu hiki))  Muslim  

8)     Qur'aan humpandisha mtu daraja ya Pepo

عن عبد الله بن عمرو رضي الله عنهما قال : قال رسول الله صلى الله عليه وسلم  (( يقال لصاحب القران اقرأ

و ارتق ورتل كما كنت ترتل في الدنيا فإن منزلتك عند آخر آية تقرؤها )) .  (صحيح الجامع

Imetoka kwa 'Abdullah bin 'Umar رضي الله عنهما kwamba Mtume صلى الله عليه وآله وسلم amesema ((Huambiwa rafiki wa Qur'aan (Aliyeiandama Qur'aan) soma na panda (juu katika daraja za Pepo)  na uisome kwa 'Tartiyl' (utaratibu na utungo) kama ulivyokuwa ukiisoma (kwa Tartiyl) ulipokuwa duniani, kwani makazi yako ni pale utakapofika katika aya ya mwisho utakayoisoma)) Sahiyh Al-Jaami'i

9)    Mwenye kuhifadhi Qur'aan  hutangulia kaburini         

عن جابر رضي الله عنه كان رسول الله صلى الله عليه وسلم يجمع بين الرجلين من قتلى أحد في ثوب واحد

ثم يقول : أيهم أكثر أخذاً للقرآن ؟ فإذا أشير إلى أحدهما قدمه في اللحد .  (صحيح البخاري)

Imetoka kwa Jaabir رضي الله عنه kwamba alikuwa Mtume صلى الله عليه وآله وسلم akiwakusanya watu wawili waliokufa katika vita vya Uhud katika nguo moja kisha anauliza, ((Nani katika hao mwenye Qur'aan zaidi? Anapojulishwa mmoja kati ya hao, humtanguliza kaburini))  Al-Bukhariy

10)  Kuteremka Malaika kwa Utulivu na Rahma kwa wanaosoma Qur'aan 

 عن أبى هريرة رضي الله عنه عن النبي صلى الله عليه وسلم قال ((ما اجتمع قوم في بيت من بيوت الله يتلون

كتاب الله ويتدارسونه فيما بينهم إلا نزلت عليهم السكينة وغشيتهم الرحمة وحفتهم الملائكة وذكرهم الله فيمن عنده)) . صحيح مسلم       

Imetoka kwa Abu Hurayrah رضي الله عنه kwamba Mtume صلى الله عليه وآله وسلم amesema ((Hawakusanyiki pamoja watu katika miongoni mwa nyumba za Allaah wakisoma kitabu cha Allaah, na wanafundishana baina yao, ila huwateremkia utulivu na hufunikwa na rahma na Malaika huwazunguka na Allaah Anawataja mbele ya aliokuwa nao)) Muslim

11)  Kuhifadhi na kujifunza maana yake ni bora kuliko mapambo ya dunia

عن عقبة بن عامر رضي الله عنه قال: خرج رسول الله صلى الله عليه وسلم ونحن في الصفة فقال((أيغدو أحدكم

 كل يوم إلى بطحان العقيق, فيأتي منه بناقتين كوماوين في غير إثم ولا قطيعة رحم? فقلنا يا رسول الله نحب ذلك قال : أفلا يغدو أحدكم إلى المسجد فيتعلم أو يقرأ آيتين من كتاب الله عز وجل خير له من ناقتين, وثلاث خير له من ثلاث , وأربع خير له من أربع , ومن أعدادهن من الإبل)) رواه مسلم وغيره

Imetoka kwa 'Uqbah bin 'Aamir رضي الله عنه ambaye amesema, Mtume صلى الله عليه وآله وسلم alitujia wakati tulikuwa katika Suffah akauliza, kuna yeyote miongoni mwenu anayetaka kwenda  soko la But-haan-Al-'Aqiyq na akapata humo ngamia wawili (wa thamani kabisa wa kike) bila ya kutenda dhambi au kukata undugu? Tukajibu kwamba sote tunapenda kufanya na kupata hivyo. Kisha akasema, basi aende mmoja wenu msikitini akajifunze au asome aya mbili katika kitabu cha Allaah سبحانه وتعالى basi akifanya hivyo ni bora kuliko ngamia (wa thamani kabisa wa kike).  Na aya tatu ni bora kuliko ngamia watatu, na aya nne ni bora kuliko ngamia wanne, na mfano wa hivyo hivyo wa aya kwa ngamia )) Muslim

12)  Mwenye kuhifadhi Qur'aan huvalishwa taji

 عن أبي هريرة رضي الله عنه قال: قال رسول الله صلى الله عليه وسلم ((يجيء القرآن يوم القيامة فيقول:

يا رب حله,  فيلبس تاج الكرامة ثم يقول: يا رب زده, فيلبس حلة الكرامة, ثم يقول: يا رب ارض عنه فيرضى عنه فيقول: اقرأ وارق ويزاد بكل آية حسنة))  رواه الترمذي والحاكم وصححه الألباني

 

Imetoka kwa Abu Hurayrah رضي الله عنه ambaye amesema, Mtume صلى الله عليه وآله وسلم amesema, ((Qur'aan itakuja siku ya Qiyaamah na itasema, Ewe Mola, Mpambe (Mwenye kuhifadhi Qur'aan) kisha atavalishwa taji, kisha (Qu'raan) itasema Ewe Mola, muongezee, kisha huyo mtu atavishwa nguo ya heshima, kisha itasema (Qur'aan) Ewe Mola Ridhika naye, Allaah سبحانه وتعالى Ataridhika naye. Kisha ataambiwa, soma na panda, atapokea thawabu zaidi za mema kwa kila aya (atakayosoma) )) At-Tirmidhy na Al-Haakim na kaisahihisha Albaniy

 

Allaahumma Tujaalie Tuwe Wenye Kuiandama Qur'aan Ili Utulipe Fadhila hizi Ya Rabb.

 

Tutaendelea Inshaa-Allaah  Ijumaa ijayo. Tumuombe Allaah سبحانه وتعالى   Atunufaishe kwa yale tunayojifunza na Atuajaalie miongoni mwa wale wanaosikiliza kauli (nyingi) wakafuata zile zilizo njema.

Tunawaombea wote Ijumaa hii iwe ya kheri na baraka nyingi. Aamiyn